მაკგრეგორი ხაბიბის ბოლო ბრძოლას გამოეხმაურა
ხაბიბ ნურმაგომედოვმა UFC 254-ის ივენთზე ჯასტინ გეიჯი დაამარცხა და დაუმარცხებლის სტატუსი შეინარჩუნა. ბრძოლაში გამარჯვება 32 წლის მებრძოლმა ძალიან ემოციურად აღნიშნა, მან თავისი ბოლო გამარჯვება გარდაცვლილ მამას მიუძღვნა და ბრძოლის შემდგომ კომენტარში კარიერის დასრულების შესახებაც გააკეთა განცხადება. "ეს ჩემი ბოლო ბრძოლა იყო. მამაჩემის გარეშე აქ აღარ დავბრუნდები, როცა UFC დამიკავშირდა ჯასტინთან დაკავშირებით, სამი დღე განვიხილავდი ამ საკითხს დედასთან ერთად. მას არ უნდა, რომ მამის გარეშე ვიბრძოდე, თუმცა მე მას დავპირდი, რომ ეს ჩემი ბოლო ბრძოლა იქნებოდა და როდესაც სიტყვას აძლევ, ის უნდა შეასრულო კიდეც",- განახცადა ხაბიბ ნურმაგომედოვმა.
"This was my last fight. No way I can come here without my father. ... I promise it will be my last fight. If I give my word, I have to follow this." Khabib Nurmagomedov announces retirement after defending lightweight title at #UFC254 (via @ufc)pic.twitter.com/OYBSBMHrYl — Bleacher Report (@BleacherReport) October 24, 2020
ჯასტინ გეიჯთან გამარჯვების შემდეგ ხაბიბმა საბრძოლო კარიერა 29 გამარჯვებით და არც ერთი დამარცხებით დაასრულა. შესაძლოა, ნურმაგომედოვი UFC-ის ყველა დროის საუკეთესო მებრძოლიც კი იყოს. კონორ მაკგრეგორი ერთ-ერთი პირველი იყო, ვინც ხაბიბის ბოლო ბრძოლას გამოეხმაურა სოციალური ქსელით. ირლანდიელმა განცხადება ტვიტერზე გაავრცელა: "კარგი გამოსვლა იყო @TeamKhabib. მე გავაგრძელებ. კიდევ ერთხელ ვადასტურებ ჩემს პატივისცემას და თანაგიგრძნობთ მამის გამო შენ და შენს ოჯახს. პატივისცემით, მაკგრეგორები". ამ ორ მებრძოლს შორის ყოველთვის იყო განსაკუთრებული დაძაბულობა, თუმცა, შესაძლოა, ხაბიბის წასვლის შემდეგ და კონორის პატივისცემის გამომხატველმა ჟესტმა მათი ურთიერთობა შეიცვალოს.
სხვა სტატიები
