უნდა დანიშნულიყო თუ არა პენალტი? რა წერია წესებში?

ბაიერნისა და პარი სენ ჟერმენის მატჩის 31-ე წუთზე ვიტინიას მიერ საკუთარი საჯარიმოდან მოგერიებული ბურთი ჟოაო ნევეშს ხელში მოხვდა, თუმცა მსაჯმა პენალტი არ დანიშნა.

ეპიზოდს სოციალურ ქსელებში დიდი გამოხმაურება მოჰყვა. საინტერესოა, რა წერია წესებში?

ფეხბურთის საერთაშორისო ასოციაციების საბჭოს (IFAB) წესდებაში ვკითხულობთ, რომ დარღვევად არ მიიჩნევა ის შემთხვევა, როდესაც ბურთი მოთამაშეს ხელზე ხვდება უშუალოდ თანაგუნდელის დარტყმის შემდეგ. ამის მიზეზი მარტივია: ფეხბურთელს არ აქვს შესაძლებლობა, რომ ასეთ მოკლე დროში და სივრცეში რეაგირება მოახდინოს, შესაბამისად ეს ,,შემთხვევით შეხებად'' მიიჩნევა.