'სადაც შევხვდები ჩემ წილ ქართულ პასუხს იქ გავცემ' | ბექაურმა დვალიშვილს მიმართა

მერაბ დვალიშვილს აბუ დაბიში უსმან ნურმაგომედოვი და მისი გუნდის წევრები თავს დაესხნენ.

სოციალურ ქსელში გავრცელებულ კადრებში ნათლად ჩანს, რომ დვალიშვილს ნურმაგომედოვი და მისი 6 გუნდელი ესხმის თავს - საპირისპიროდ მერაბმა და 21 წლის საბა ლაზიშვილმა მათ ღირსეული პასუხი დაუბრუნეს და ბოლომდე იბრძოლეს.

ამ ფაქტის შემდეგ, მერაბ დვალიშვილს სოციალურ ქსელებში სოლიდარობას და თანადგომას UFC-ს ლეგენდები და ცნობილი სპორტსმენები უცხადებენ - ერთ-ერთი მათგანი, 2-გზის ოლიმპიური ჩემპიონი ლაშა ბექაურია.

გავრცელებული ინფორმაციით, მერაბ დვალიშვილზე ლაჩრული თავდასხმის შემდეგ უსმან ნურმაგომედოვი წინასწარი დაკავების იზოლატორში გადაიყვანეს.