"მამარდაშვილის მომავალი ისევ გაურკვეველია" - ვალენსიურმა მედიამ ქართველი მეკარე გაიხსენა
1 დღის წინ
ქართული სპორტი
1 წთ
ვალენსიური მედია საშუალება superdeporte საქართველოს ნაკრებისა და ლივერპულის მეკარის, გიორგი მამარდაშვილის შესახებ სტატიას აქვეყნებს.
"ლივერპულმა ზაფხულში გიორგი მამარდაშვილის შესახებ არსებული შემოთავაზებები მოისმინა და ნოტინგემ ფორესტის ინტერესი მიიღო, რამაც ვალენსიას ყოფილ მეკარეს გარკვეული გადაწყვეტილების მიღების ძალა მისცა. საბოლოოდ, რედსმა ახალი კურტუა დაიმატა, რომელიც გიორგის ჩანაცვლებას მხოლოდ ერთი წლის შემდეგ შეეცდება.
გიორგი მამარდაშვილის მომავალი სატრანსფერო ფანჯრის დასკვნით მონაკვეთში კვლავ გაურკვეველი დარჩა. ვალენსიას ყოფილი მეკარე, რომელიც ლივერპულში 2025 წელს ჩავიდა მას შემდეგ, რაც მესტალიაზე კიდევ ერთი სეზონი იჯარით გაჩერდა, ალისონ ბეკერის გუნდში დარჩენის გამო კვლავ სათადარიგო სკამზეა. ლივერპულმა ბრაზილიელის შენარჩუნება გადაწყვიტა და ამან მამარდაშვილის სათამაშო პრაქტიკის შენარჩუნების შანსები მნიშვნელოვნად შეამცირა. ზაფხულის განმავლობაში წასვლის სხვადასხვა ვარიანტი გაჩნდა, ძირითადად ინგლისსა და იტალიაში, სადაც მისი სახელი ისეთ კლუბებს დაუკავშირდა, როგორიცაა იუვენტუსი.
ყველაზე კონკრეტული შესაძლებლობა ტრანსფერის დასკვნით დღეებში გაჩნდა. ნოტინგემ ფორესტმა ქართველი მეკარის ხელმისაწვდომობის შესახებ იკითხა, თუმცა ტრანსფერი ვერ გადაწყდა. ლივერპული მის წასვლას მხოლოდ სერიოზული ფინანსური შეთავაზების შემთხვევაში განიხილავდა და ასეთი წინადადება არც მოსულა. პრემიერ ლიგის კლუბებში ფული პრობლემა იშვიათია, მაგრამ ყველას თავისი პრიორიტეტები აქვს და ახლა მამარდაშვილს ნოტინგემის მსგავს გუნდში ძირითადში თამაშის ნაცვლად, საკუთარი მომენტის ლოდინი მოუწევს. ნოტინგემს დაბალი დონის მეკარეები ჰყავს.
ლივერპულმა "ახალი კურტუა" 35 მილიონად დაიმატა. ყველაზე თვალშისაცემი თითქმის იმავდროულად მოხდა. სანამ მამარდაშვილის მომავალი წყდებოდა, ლივერპულმა გენკიდან წამოსული 18 წლის ახალგაზრდა ბელგიელი მეკარის, ლუკა ბრუგმანსის ტრანსფერი დახურა. ამ ორმეტრიან მოზარდს "ახალი კურტუა" შეარქვეს და ის მომდევნო ათწლეულის განმავლობაში ლივერპულის და ბელგიის კარის მცველი უნდა გახდეს. მართალია, ეს ყველაფერი ჯერ კიდევ დასადასტურებელია.
მამარდაშვილის მომავალი კვლავ ღია რჩება. მამარდაშვილი ამ სეზონში ლივერპულში ალისონის ალტერნატივად დარჩება, მაგრამ ბრუგმანსის ტრანსფერი 2027 წლის ზაფხულისთვის ახალ ინკოგნიტოს აჩენს. სამყარო ბევრს ბრუნავს და ყველაფერს 180 გრადუსით შემოტრიალება შეუძლია", - წერს superdeporte.
გიორგი მამარდაშვილმა ლივერპულის 20 მატჩში მიიღო მონაწილეობა და და 3-ჯერ კარი მშრალად შეინახა.
სხვა სტატიები
