კაპიტანი ბრუნდება: გურამ კაშია საქართველოს ნაკრებში იმუშავებს!

საქართველოს ნაკრების ვეტერანი კაპიტანი და ჩატარებული მატჩების რაოდენობით რესკორდსმენი, გურამ კაშია, სამწვრთნელო საქმიანობას იწყებს.

გურამ კაშია, რომელმაც ფეხბურთელის კარიერა გასული სეზონის დასრულების შემდეგ დაასრულა, საქართველოს ნაკრების საწვრთნელ გუნდს შეუერთდება და ვილი სანიოლის ასისტენტი გახდება.

Geo Team-ის ინფორმაციით, გურამ კაშია საქართველოს ნაკრებს სექტემბერში შეუერთდება და გუნდს უეფას ერთა ლიგის B დივიზიონის ახალი სეზონისთვის მოსამზადებელ ეტაპზე დაეხმარება.

გურამ კაშიას საქართველოს ნაკრების შემადგენლობაში 129 მატჩში აქვს მონაწილეობა მიღებული და 3 გოლი გატანილი.