"გუნდს და ფეხბურთელს კონტრაქტის გახანგრძლივება არ სურთ" - ზარიამ შესაძლოა გუნდი შეიცვალოს

ყაზახური მედიის ინფორმაციით, საქართველოს ნაკრების შემტევი ნახევარმცველი, გიორგი ზარია შემდეგი წლიდან გუნდს შეიცვლის.

Meta-ratings-ის ინფორმაციით, გიორგი ზარია ყაზახეთის მოქმედ ჩემპიონთან კონტრაქტს არ გაახანგრძლივებს.

გიორგი ზარია ალმაატის ქაირათში 2024 წლის დასაწყისიდან თამაშობს, რა პერიოდშიც ყაზახეთის ჩემპიონატისა და სუპერთასის მოგება მოახერხა და გუნდს ჩემპიონთა ლიგის ლიგის ფაზის საგზურის მოპოვებაში დაეხმარა.

ალმაატის ქაირათი ყაზახეთის ჩემპიონატის 2025 წლის სეზონში 25 ტურის შემდეგ დაგროვებული 58 ქულით ჩემპიონატის ლიდერია და დასკვნით ტურში მეორეადგილოსან ასტანას ხვდება. მინიმუმ ფრის შემთხვევაში, ქართველი ფეხბურთელის გუნდი ზედიზედ მეორედ ჩემპიონატის გამარჯვებული გახდება.