ვინ გახდნენ 'სპორტული ოსკარების' გამარჯვებულები?

ესპანეთის დედაქალაქ მადრიდში Laureus World Sports Awards-ის (სპორტული ოსკარები) 26-ე ცერემონია ჩატარდა. მამაკაცთა და ქალთა კატეგორიაში, უმაღლესი ჯილდოები შვედმა ჭოკით მხტომელმა არმანდ დუპლანტისმა და ამერიკელმა მძლეოსანმა სიმონე ბაილსმა მიიღეს.

მამაკაცთა კატეგორიიდან ამოიღეს ჩოგბურთის იტალიელი ვარსკვლავი იანიკ სინერი - დოპინგის სკანდალის გამო. ნომინანტებს შორის იყვნენ ესპანელი ჩოგბურთელი კარლოს ალკარასი, ფრანგი მოცურავე ლეონ მარშანი, სლოვენიელი ველოსიპედისტი ტადეი პოგაკარი და F1-ის მსოფლიო ჩემპიონი მაქს ვერსტაპენი. წინა გამარჯვებული ნოვაკ ჯოკოვიჩი სიაში ვერ მოხვდა. დუპლანტისისთვის ეს პირველი ჯილდოა ოსკარებზე.

სიმონე ბაილსმა ეს ჯილდო უკვე მეოთხედ მოიგო -2017, 2019 და 2020 წლებში, რითაც თანამემამულე ამერიკელ ჩოგბურთის ლეგენდის, სერენა უილიამსის რეკორდს გაუთანაბრდა.

წლის საუკეთესო გუნდის ჯილდო გადაეცა მადრიდის "რეალს", მან NBA-ს ჩემპიონ "ბოსტონ სელტიკსს", აშშ-ს კალათბურთის კაცთა ნაკრებს, "ბარსელონას" ქალთა საფეხბურთო გუნდს, ესპანეთის მამაკაცთა საფეხბურთო გუნდს და ფორმულა 1-ის 'მაკლარენს' აჯობა.

წლის 'გარღვევის' ჯილდო ბარსელონას ახალგაზრდა ვარსკვლავს, ლამინე იამალს გადაეცა.

სპორტის icon (ხატი) კი რაფაელ ნადალი გახდა.