ტედი რინერი მსოფლიო ჩემპიონატს გამოტოვებს
მსოფლიოს ყველა დროის ერთ-ერთმა საუკეთესო ძიუდოისტმა – ტედი რინერმა, მსოფლიო ჩემპიონატის მოსამზადებელ შეკრებაზე ტრავმა მიიღო, რის გამოც იგი მსოფლიო ჩემპიონატს გამოტოვებს.
ლეგენდარული ფრანგი ძიუდოისტი მსოფლიო ჩემპიონატისთვის ემზადებოდა, რომელიც 6-13 ოქტრომბერს უზბეკეთის დედაქალაქ ტაშკენტში ჩატარდება. ფრანგი ძიუდოისტი ინდივიდუალურ ვარჯიშებს მაროკოში, კერძოდ კი მარაკეშში ატარებდა. ვარჯიშის დროს მას ერთ-ერთი ძიუდოისტი კოჭზე დაეცა და ტერფის დაჭიმულობა გამოიწვია, რის გამოც 10-გზის მსოფლიო ჩემპიონი 1 თვე ვერ ვარჯიშობდა, დღეს კი მან სამედიცინო გამოკვლევა ჩაიტარა, რომელმაც ოფიციალურად დაადასტურა, რომ რინერი მსოფლიო ჩემპიონატს გამოტოვებს.
ეს ინფორმაცია ლეგენდარულმა ფრანგმა ძიუდოისტმა სოციალურ ქსელში თავად გაავრცელა:
Hélas je le redoutais, mais les examens médicaux passés ce jour ont confirmé que je ne pourrai reprendre le judo avant quelques semaines, ce qui exclut donc ma participation aux prochains Championnats du Monde de Tachkent 🇺🇿 pic.twitter.com/QklJi07QoX
— Teddy Riner (@teddyriner) September 19, 2022
"სამწუხაროდ მეშინოდა, მაგრამ დღეს ჩატარებულმა სამედიცინო გამოკვლევებმა დაადასტურა, რომ ძიუდოში რამდენიმე კვირა ვერ დავბრუნდები, რაც გამორიცხავს ტაშკენტში მომავალ მსოფლიო ჩემპიონატზე მონაწილეობას".
შეგახსენებთ, რომ 33 წლის ტედი რინერი 10-გზის მსოფლიო, 3-გზის ოლიმპიური და 5-გზის ევროპის ჩემპიონია.
სხვა სტატიები
.32.webp)
