"მერაბს დიდ პატივს ვცემ, მაგრამ წონის შეცვლას არ ვაპირებ" - ალექს პანტოჟა

მერაბ დვალიშვილმა სუპერმსუბუქი წონის დივიზიონი ფაქტობრივად გაასუფთავა. ყველა მებრძოლი, რომელიც სპორტში რაღაცას წარმოადგენდა, ყველა დაამარცხა. სწორედ ამის გამო, გულშემატკივრებში მისი და უმსუბუქესი წონის ჩემპიონის - ალექს პანტოჟას ბრძოლის იდეა გაჩნდა. თავად სპორტსმენებს კი ერთმანეთთან ჩხუბი არ სურთ. ამის შესახებ ბრაზილიელმაც განაცხადა.

შეგახსენებთ, რომ ბოლო ბრძოლაში მერაბმა შონ ო'მალი მეორედ დაამარცხა. ამ გამარჯვებით "მანქანამ", გარდა ჩემპიონობისა, საკუთარ დივიზიონში ყველა დროის საუკეთესოს სტატუსი გაიმყარა. ამჟამად, დვალიშვილი მებრძოლთა საერთო რეიტინგში მეორე პოზიციას იკავებს.