"დაბალი მე დამიტოვე!" - ევლოევი კვლავ თოფურიას იწვევს
ილია თოფურიასა და პედი პიმბლეტს შორის სოციალურ ქსელებში დაწყებულ უთანხმოებას, რომელიც ლონდონის ერთ-ერთ სასტუმროში ფიზიკურ დაპირისპირებაში გადაიზარდა, რუსი მებრძოლები გამოეხმაურნენ. Instagram-ზე განთავსებულ პოსტში, დამირ ისმაგულოვმა თოფურიაზე და პიმბლეტზე დამცინავი კომენტარი გააკეთა და აღნიშნა, რომ შეუძლია ერთ ღამეს ორივე მათგანზე იზრუნოს. ილია თოფურიას ყოფილ მეტოქეს - მოვსარ ევლოევს ისმაგულოვის პოსტი უყურადღებოდ არ დარჩენია. ევლოევმა, რომელიც წარსულში სოციალურ ქსელებში თოფურიას რამდენჯერმე დაუპირისპირდა, ქართველთან ბრძოლის სურვილი გამოთქვა. "ძმაო, ასეთი ხარბი ნუ იქნები! ის დაბალი [ილია თოფურია] მე დამიტოვე, შენ შეგიძლია ქერაზე იზრუნო", - აღნიშნა მოვსარ ევლოევმა.
შეგახსენებთ, ლონდონში UFC-ის დასკვნითი ღონისძიება ჩატარდა, სადაც მაყურებელმა არაერთი სანახაობრივი დაპირისპირება იხილა. ლონდონში გამართულ ივენთზე ერთ-ერთი ყველაზე შთამბეჭდავი გამარჯვება ილია თოფურიამ მოიპოვა. ქართველმა მებრძოლმა მისი ოპონენტი (ჯეი ჰერბერტი) მეორე რაუნდში ეფექტური დარტყმით დაანოკაუტა.Damir bro, don’t be so greedy! You can take the blonde, but leave the shorty to me 😎 pic.twitter.com/2YI9C0JNhz — Movsar Evloev (@MovsarUFC) March 21, 2022