"არ ვიცი UFC რას ელოდება, მათი გეგმები არ ვიცი" - ხამზატ ჩიმაევი
საშუალო წონის ყოფილი ჩემპიონი ხამზატ ჩიმაევი ოქტაგონზე დაბრუნებას ითხოვს და ვარაუდობს, რომ მისი მომდევნო მეტოქე სტრიკლენდისა და იმავოვის წყვილიდან იქნება. "მგელი" UFC-ის მენეჯმენტის მიმართ უკმაყოფილებას არ მალავს. მებრძოლის თქმით, ის უკვე თვეებია, აქტიურ რეჟიმში დაბრუნებას ცდილობს, თუმცა ორგანიზაციისგან კონკრეტულ შეთავაზებას ისევ ელოდება.
დიდი ხანია ვიცდი, დაახლოებით სამი თვეა. გავიგე, რომ ნასურდინ იმავოვსა და შონ სტრიკლენდს უნდა ეჩხუბათ. მათ შორის, რომელიც მოიგებს, მას შევებრძოლები. არც ვიცი UFC რას ელოდება და არც მათი გეგმები ვიცი. - ხამზატ ჩიმაევი
🚨| Khamzat Chimaev says he’s been ready to return for a while but the UFC have not given him a fight.
— MMA Orbit (@mma_orbit) November 10, 2026
The former middleweight champion has heard the UFC will be booking Sean Strickland vs. Nassourdine Imavov soon and suspects he may fight the winner. 👀
(via @NatSportUAE) pic.twitter.com/wcHsYPMRK5
შეგახსენებთ, რომ UFC 328-ის მთავარ ღონისძიებაზე ხამზატ ჩიმაევსა და შონ სტრიკლენდს შორის საშუალო წონის სატიტულო 5-რაუნდიანი ორთაბრძოლა შედგა. მსაჯების გადაწყვეტილება გაიყო და გამარჯვება შონ სტრიკლენდს მიენიჭა, რომელმაც ჩემპიონის ქამარი დაიბრუნა, ხოლო ჩიმაევმა კარიერაში პირველი მარცხი მიითვალა.
სხვა სტატიები
