ევროლიგის საპრიზო თანხა გაიზარდა | სხვაობა NBA-ს და ევროლიგის გამარჯვებულ გუნდებს შორის

ევროლიგის ახალი 2025/26 წლების სეზონი დაიწყო და გაირკვა თუ რამდენს მიიღებს ფულადი ჯილდოს სახით ტურნირის გამარჯვებული. SDNA-ის (Sports DNA) ცნობით წელს ევროლიგის ჩემპიონები 2.4 მილიონ ევროს მიიღებენ, ხოლო მეორე ადგილზე გასულები 2.1 მილიონ ევროს. 2024/25 წლების სეზონთან შედარებით თანხა საკმაოდ გაიზარდა, მაგალითად გასულ სეზონში ევროლიგის ჩემპიონმა ფენერბაჰჩემ 1.8 მილიონი ევრო მიიღო, ხოლო მეორე ადგილზე გასულმა მონაკომ 1 მილიონი.

საინტერესოა, შევადაროთ თუ რამდენი გამოიმუშავა გასულ სეზონში NBA-ს ჩემპიონმა, ოკლაჰომა სიტი თანდერმა, მათ მხოლოდ გამარჯვებისთვის 8.8 მილიონი ევრო მიიღეს. წლევანდელი მონაცემები ჯერჯერობით უცნობია, მაგრამ გასული სეზონის საპრიზო თანხაც კი მნიშვნელოვნად აღემატებოდა ევროლიგის გამარჯვებულისას.

შეგახსენებთ, რომ ევროლიგის ტურნირზე 2 ქართველი კალათბურთელი ასპარეზობს, ესენი არიან: თორნიკე შენგელია (ბარსელონა) და მათე ხატიაშვილი (ბასკონია), ამას გარდა ბაიერნში თამაშობს კამარ ბოლდუინი, რომელიც საქართველოს ეროვნული ნაკრების ნატურალიზირებული მოთამაშეა.

NBA-ში კი საქართველოს ეროვნული ნაკრების 2 მოთამაშე ასპარეზობს: გოგა ბითაძე (ორლანდო მეჯიქი), სანდრო მამუკელაშვილი (ტორონტო რეპტორსი).