„მომენატრება ეს მომენტები“ - ლეო მესის ემოციური გზავნილი გულშემატკივრებს

არგენტინის ეროვნული ნაკრების კაპიტანმა, ლიონელ მესიმ, სოციალურ ქსელში გუნდთან ერთად გადაღებული ბოლო ვარჯიშის ფოტოები გამოაქვეყნა და გულშემატკივრებს ემოციური სიტყვებით მიმართა: „განსაკუთრებული მომენტები, რომლებიც ვიცი, რომ მომენატრება“.

ეს გზავნილი კიდევ ერთი დასტურია იმისა, რომ ლეგენდარული თავდამსხმელის 20-წლიანი სანაკრებო ეპოქა დასასრულს უახლოვდება. 39 წლის ვარსკვლავისთვის „ალბისელესტეს“ მაისურით ბოლო წერტილი ბუენოს-აირესში, „მონუმენტალის“ სტადიონზე, ბენინის წინააღმდეგ გასამართი შეხვედრა იქნება.

არგენტინის კაპიტნისთვის სპეციალური გაცილების ცერემონია აქვს დაგეგმილი. შესაბამისად, მომავალი მატჩი მხოლოდ სპორტული დაპირისპირება კი არა, არგენტინული ფეხბურთის ისტორიაში ერთ-ერთი ყველაზე ემოციური და ისტორიული საღამო გახდება.