"ის წარმოუდგენელი მაგალითია" - ლიონელ სკალონი ლეო მესიზე

ლეო მესი არგენტინის ნაკრებში გამოსამშვიდობებელი მატჩის ჩასატარებლად ემზადება. "ალბისელესტე" ამხანაგურ მატჩში, ბენინის წინააღმდეგ ითამაშებს. 39 წლის ლეგენდა კი, ბუენოს აირესში, 'ესტადიო მონუმენტალზე' ეროვნული ნაკრების მაისურს, ბოლოჯერ მოირგებს.

მატჩს ის ფეხბურთელებიც დაესწრებიან, რომლებმაც 2022 წელს მსოფლიო ჩემპიონატი მოიგეს. მესი, გასულ პარასკევს, როსარიოში ჩავიდა, სადაც ნაკრებთან ერთად ივარჯიშა. სკალონიმ მესიზე ისაუბრა და თქვა, რომ ლეოს გამოსამშვიდობებელი მატჩი ნოსტალგიის განცდას იწვევს. სკალონიმ მესი იმ მემკვიდრეობისთვის შეაქო, რომელსაც მსოფლიო ფეხბურთის ლეგენდა არგენტინასა და ზოგადად ფეხბურთს უტოვებს.

მესი არგენტინის ნაკრებს ბრწყინვალე სტატისტიკითა და მიღწევებით ემშვიდობება. მესის, "ალბისელესტეს" მაისურით ჩატარებულ 207 შეხვედრაში, 125 გოლი აქვს გატანილი, რითაც რეკორდსმენია. ლეომ არგენტინასთან ერთად, ოლიმპიური ოქროს მედალი (2008), კოპა ამერიკა (2021, 2024), ფინალისიმა (2022) და მსოფლიო ჩემპიონატი (2022) მოიგო. ლეო, ბენინის წინააღმდეგ, არგენტინის ნაკრებში თავის 208-ე და უკანასკნელ მატჩს ჩაატარებს.