ბენინის მეკარე: ,,ჩვენთვის არავის უთქვამს, რომ მესის გოლი უნდა ვაჩუქოთ''
-1200x567.png)
არგენტინასთან ამხანაგური მატჩის წინ, Marca ბენინის ნაკრების მეკარეს, მარსელ დანჯინუს, ესაუბრა:
,,რას ნიშნავს მესისთან თამაში მის ბოლო მატჩში არგენტინის ნაკრებში? ჩემთვის ეს მატჩი განსხვავებულია. ვფიქრობ, ეს ისაა, რაც კარიერაში მხოლოდ ერთხელ ხდება, რადგან ეს მესის ბოლო შეხვედრაა.
მაგრამ, არ უნდა დავივიწყოთ, რომ ჩვენც წარმოვადგენთ ჩვენს ქვეყანას. აქ ბენინის დასაცავად ჩამოვედით. ეს ფეხბურთია: თერთმეტი თერთმეტის წინააღმდეგ. შეიძლება მოვიგოთ, ფრე ვითამაშოთ ან მათ მოიგონ, მაგრამ ჩვენ აქ ტურისტებად არ ჩამოვსულვართ,
ჩემთვის მესი ფეხბურთის ერთ-ერთი მეფეა. ჩვენ მისი თამაშის ყურებით გავიზარდეთ. ის ჩვენი ერთ-ერთი საყვარელი ფეხბურთელია. ახლა მასთან ერთად, ერთ მოედანზე თამაში წარმოუდგენელია. ვერასდროს ვიფიქრებდი, რომ ეს მოხდებოდა, ჩემთვის ლეო ნამდვილი ლეგენდაა.'' - მარსელ დანჯინუ
ჟურნალისტმა მეკარეს ჰკითხა, გაატანინებდა თუ არა მესის ბოლო წუთზე დანიშნულ პენალტს, რაზეც დანჯინუმ უპასუხა:
არა, არა. მე მეკარე ვარ და იქ იმიტომ ვდგავარ, რომ ბურთი მოვიგერიო. თუ მესი დაარტყამს, ვეცდები ავუღო. დიახ, ჩვენ აქ იმისთვის ვართ, რომ მესის პატივი მივაგოთ, მაგრამ არავის უთქვამს, რომ გოლი უნდა ვაჩუქოთ. თან, მას რომ ვიცნობ, არც არაფრის ჩუქება სჭირდება, თუ გატანა უნდა, ამის მისაღწევად ყველაფერი უნდა გააკეთოს.
ლეო მესი არგენტინის ნაკრებს სწორედ ბენინთან ამხანაგურ შეხვედრაში დაემშვიდობება. მატჩი ოთხშაბათს, 7 ოქტომბერს, ბუენოს აირესში გაიმართება.
ლეოს ანგარიშზე ალბისელესტეს მაისურით ჩატარებულ 207 თამაშში 125 გოლი და 68 საგოლე გადაცემაა.
‼️🇧🇯🇦🇷 Marcel Dandjinou, arquero de Benín, sobre el amistoso vs Argentina: “¡SI MESSI QUIERE MARCAR, TENDRÁ QUE HACER TODO LO POSIBLE PARA LOGRARLO! Soy portero, y mi rol es detener los tiros. Incluso si es el último minuto y hay un penalti, si Messi lo tira, intentaré detenerlo. Es tan simple como eso: es el fútbol. Sí, estamos aquí para celebrar a Messi, pero nadie nos dijo que teníamos que regalarle un gol. Y conociendo a Messi, no necesitamos hacerle regalos”. [@footmercato]
— Ataque Futbolero (@AtaqueFutbolero) October 5, 2026
სხვა სტატიები
