სუპერკომპიუტერმა პრემიერ ლიგის 2025/26 წლების სეზონის გამარჯვებული იწინასწარმეტყველა

ინგლისის პრემიერ ლიგის 2025/26 წლების სეზონის სტარტიდან, ჯერ მხოლოდ 10 ტურია გასული, თუმცა, სუპერკომპიუტერმა შეძლო და მომავალი ჩემპიონი უკვე იწინასწარმეტყველა.

მოქმედმა ჩემპიონმა, ლივერპულმა ზედიზედ 4 მატჩი წააგო, არსენალი კი ფენომენალური სვლით სატურნირო ცხრილის სათავეშია. საინტერესო ვითარებაა გასავარდნ ზონაშიც, სადაც რამდენიმე ისტორიული კლუბი მოხვდა. Opta-ს სუპერკომპიუტერმა სხვადასხვა გარემოების გაანალიზებით, პრემიერ ლიგის 2025/26 წლების სეზონის გამარჯვებული და ჩემპიონშიპში დაქვეითებული კლუბები იწინასწარმეტყველა.

ასე, რომ თვალი შევავლოთ Opta-ს სუპერკომპიუტერის პროგნოზს და თუ რომელიმე თქვენგანი თქვენს საყვარელ კლუბს არასასურველ პოზიციაზე აღმოაჩენთ, გაითვალისწინეთ, რომ ეს მხოლოდ ვარაუდია.

სუპერკომპიუტერის საბოლოო სატურნირო ცხრილი

• 20 - ვულვზი

• 19 - ვესტ ჰემი

• 18 - ნოტინგემი

• 17 - ბარნლი

• 16 - ლიდსი

• 15 - ფულჰემი

• 14 - სანდერლენდი

• 13 - ევერტონი

• 12 - ბრენტფორდი

• 11 - ბრაიტონი

• 10 - მანჩესტერ იუნაიტედი

• 9 - კრისტალ პალასი

• 8 - ტოტენჰემი

• 7 - ნიუკასლი

• 6 - ბორნმუთი

• 5 - ასტონ ვილა

• 4 - ჩელსი

• 3 - ლივერპული

• 2 - მანჩესტერ სიტი

• 1 - არსენალი

იმ შემთხვევაში, თუ Opta-ს სუპერკომპიუტერის პროგნოზი გამართლდება, არსენალი სეზონის ბოლოს 80 ქულას დააბრუნებს და 22-წლიანი პაუზის შემდეგ, პრემიერ ლიგის ჩემპიონი გახდება.

შეგახსენებთ, რომ პრემიერ ლიგის ჩემპიონის ტიტული არსენალმა უკანასკნელად 2002/03 წლების სეზონში მოიპოვა, როდესაც ჩრდილო ლონდონურმა კლუბმა სეზონი დაუმარცხებლად (26 მოგება, 12 ფრე) დაასრულა. დღემდე, მეთოფეები რჩებიან ერთადერთ კლუბად, რომელმაც პრემიერ ლიგის მოგება დაუმარცხებლად მოახერხა.