სენეგალის ნაკრებმა მსოფლიო ჩემპიონატზე რამდენიმე რეკორდი დაამყარა

მსოფლიო ჩემპიონატის ჯგუფური ეტაპის დასკვნით ტურში სენეგალის ეროვნულმა ნაკრებმა ერაყი 5:0 დაამარცხა და ერთდროულად რამდენიმე რეკორდის დამყარება შეძლო.

ეს არის პირველი შემთხვევა, როცა აფრიკულმა ნაკრებმა მუნდიალის მატჩში 5 გოლი გაიტანა.

გარდა ამისა, ერაყთან დაფიქსირებული 5:0 ყველაზე დიდი სხვაობით მოპოვებული გამარჯვებაა, რაც კი ოდესმე რომელიმე აფრიკულ გუნდს მსოფლიო ჩემპიონატების ისტორიაში დაუფიქსირებია.

ასევე, სენეგალმა ჯგუფურ ეტაპზე სულ 8 გოლი გაიტანა, რაც აქამდე ვერცერთმა აფრიკულმა ქვეყანამ ვერ მოახერხა.

პაპ ტიავის გუნდმა ჯგუფში 3 ქულით მე-3 ადგილი დაიკავა და პლეი-ოფში გასვლის შანსს ჯერ კიდევ ინარჩუნებს, თუმცა სენეგალის ნაკრები საკუთარ თავზე დამოკიდებული არ არის და მის ბედს სხვა მატჩებში დაფიქსირებული შედეგები გადაწყვეტს.