კიდევ ერთი ფინალი? 1958 წლიდან საფრანგეთს მუნდიალის პლეი-ოფიდან მხოლოდ ერთი ნაკრები აგდებდა

საფრანგეთს მსოფლიო ჩემპიონატის ფინალამდე მისთვის იდეალური გზა ელის? თუ ამ სტატისტიკას გავითვალისწინებთ, ასეა.

საქმე ისაა, რომ 1958 წლის შემდეგ, პლეი-ოფიდან მამლების გამოგდება მხოლოდ ერთმა მეტოქემ - გერმანიის ნაკრებმა მოახერხა.

თუ გერმანიასთან დაპირისპირებებს არ ჩავთვლით, 1958 წელს ბრაზილიასთან ნახევარფინალში მარცხის შემდეგ, საფრანგეთის ნაკრებები ან ჯგუფურ ეტაპზევე ვარდებოდნენ, ან ფინალში გადიოდნენ (4-ჯერ).

გერმანელებმა მამლები ორჯერ ნახევარფინალიდან (1982, 1986), ერთხელ კი მეოთხედფინალიდან (2014) გააგდეს.

სხვა შემთხვევებში, საფრანგეთი ასპარეზობას 4-ჯერ ჯგუფური ეტაპიდან (1966, 1978, 2002, 2010 წლებში) გამოეთიშა. გარდა ამისა, საკვალიფიკაციო ეტაპზე კრახის გამო, მსოფლიოს 2-გზის ჩემპიონებმა 5 მუნდიალი გამოტოვეს (1962, 1970, 1974, 1990 და 1994), 4-ჯერ კი ფინალში გავიდნენ (2 მოიგეს, 2 წააგეს).

საფრანგეთს გერმანიისგან საშიშორება აღარ ელის, რადგან ბუნდესნაკრები 1/16-ფინალში პარაგვაისთან დამარცხდა. დეშამის გუნდმა კი პლეი-ოფის პირველ მატჩში შვედეთს აჯობა და მისი მომავალი მეტოქე სწორედ პარაგვაი იქნება.