რონალდუ საუდის არაბეთის ლიგის სეზონის საუკეთესო ფეხბურთელად და საუკეთესო გოლის ავტორად დასახელდა

გულშემატკივართა ვერსიით, საუდის არაბეთის პრო ლიგის 2024-2025 წლების სეზონის საუკეთესო ფეხბურთელად კრიშტიანუ რონალდუ დასახელდა.

პორტუგალიელმა ფეხბურთელმა გასულ სეზონში 25 გოლი გაიტანა და ჩემპიონატის ბომბარდირი გახდა. კრიშტიანუმ სულ 30 მატჩი ჩაატარა, რომელთაგან 15-ში საუკეთესოდ დაასახელეს.

რონალდუ სეზონის საუკეთესო გოლის ავტორიცაა - ალ ნასრის სუპერვარსკვლავმა 27-ე ტურში ალ რიადს ულამაზესი გოლი გაუტანა, რომელმაც გამოკითხვაში ხმების 19% მიიღო.

• 40 წლის ფეხბურთელმა ალ ნასრთან კონტრაქტი 2027 წლამდე გაახანგრძლივა. პორტუგალიელი ხელფასის სახით სეზონში 200 მილიონ ევროს მიიღებს.