რეალი მარჯვენა მცველის გარეშე დარჩა

რეალ მადრიდმა დაადასტურა, რომ გუნდის კაპიტანმა, დანი კარვახალმა, ატლეტიკო მადრიდთან მარცხის დროს (5:2), მარჯვენა ფეხის კუნთის ტრავმა მიიღო. 32 წლის ფეხბურთელი, სავარაუდოდ, დაახლოებით ოთხი კვირის განმავლობაში ვერ ითამაშებს და ლაზარეთში ტრენტ ალექსანდრ-არნოლდს შეუერთდება. ალექსანდრ-არნოლდი, რომელიც ბარძაყის კუნთის ტრავმის შემდეგ გამოჯანმრთელებას ცდილობს, ნოემბრის ბოლომდე ვერ დაბრუნდება, რის გამოც რეალს მარჯვენა მცველის პოზიციაზე მოთამაშე აღარ ჰყავს.

მარჯვენა მცველთან დაკავშირებულმა უიღბლობამ ხელახლა წარმოშვა პრობლემა, რომელიც ალექსანდრ-არნოლდის კონტრაქტის გაფორმებისა და კარვახალის დაბრუნების შემდეგ მოგვარებული ჩანდა. მათ შემცვლელებად მოიაზრებიან ვალვერდე (ანჩელოტი ხშირად იყენებდა ურუგვაელს ამ პოზიციაზე) და 22 წლის რაულ ასენსიო, თუმცა ასენსიო ჯერ კიდევ გამოუცდელი ცენტრალური მცველია, რომელიც ფლანგის მოთამაშის თვისებებს ვერ ავლენს.

სეზონის პირველი ელ კლასიკო 26 ოქტომბერს შედგება, ძნელად სავარაუდოა, ამ შეხვედრაში რეალს ნომინალური მარჯვენა მცველი ჰყავდეს.