რა შეფასება დაიმსახურა გიორგი მამარდაშვილმა სელტასთან მატჩში?
ლა ლიგის 34-ე ტურის შეხვედრაში, საქართველოს ნაკრების მეკარის, გიორგი მამარდაშვილის "ვალენსიამ" ზედიზედ ორი მოუგებელი მატჩის შემდეგ "სელტა ვიგოსთან" სტუმრად გამარჯვება (2:1) მოახერხა და მნიშვნელოვანი 3 ქულა მოიპოვა.
ქართველმა მეკარემ ტრადიციულად ძირითადი შემადგენლობიდან და სრულად ითამაშა, 5 მოგერიებით ერთ-ერთი გამორჩეული ფეხბურთელიც გახლდათ და სოლიდური თამაშის ჩატარება შეძლო.
მამარდაშვილმა 7.6 კოეფიციენტით შეფასება დაიმსახურა და მოედანზე მყოფ 30 ფეხბურთელს შორის ეს მეორე საუკეთესო მაჩვენებელი იყო - 7.9 ქულით შეხვედრაში ყველაზე მაღალი შეფასება დიმიტრი ფულკიეს ჰქონდა.
რაც შეეხება 22 წლის ქართველი კარის დარაჯის დეტალურ სტატისტიკას, ის შემდეგნაირად გამოიყურება:
ნათამაშები დრო: 90
პოტენციურად არიდებული გოლების რაოდენობა: 0.8
შორეული დარტყმის მოგერიება: 2
მაღალი ბურთის მოპოვება: 3
საჯარიმოს შიგნიდან დარტყმული ბურთის მოგერიება: 3
ბურთთან შეხება: 32
პასის სიზუსტე: 9/21 (34%)
გრძელი პასი: 9/21
გადარჩენა: (2)
ამ გამარჯვების შემდეგ "ვალენსიას" 37 ქულა აქვს და მე-14 პოზიციას იკავებს, შემდეგ ტურში კი 21 მაისს, მადრიდის "რეალთან" გამართავს. მატჩი თბილისის დროით 20:30 საათზე დაიწყება.