პარი სენ ჟერმენმა მსოფლიოს საკლუბო ჩემპიონატისთვის შემადგენლობა დაასახელა

2024-2025 წლების სეზონის ტრიუმფატორი - პარი სენ ჟერმენი აშშ-ში, მსოფლიოს საკლუბო ჩემპიონატზე გაემგზავრა.

ფრანგული კლუბის განაცხადში 24 ფეხბურთელი მოხვდა:

• დონარუმა, ჰაკიმი, კიმპემბე, ბერალდო, მარკინიოსი, კვარაცხელია, ფაბიან რუისი, რამოში, დემბელე, დუე, ვიტინია, ლი, მოსკარდო, ლ. ერნანდესი, მაიულუ, ნუნო მენდეში, ბარკოლა, ზაირ-ემერი, საფონოვი, კამარა, მბაიე, პაჩო, არნაუ ტენასი, ნევეში.

პარი სენ ჟერმენი ტურნირის B ჯგუფში მადრიდის ატლეტიკოსთან, ბოტაფოგოსთან და სიეტლ საუნდერსთან ერთად იასპარეზებს. კვარას გუნდი პირველ მატჩს კვირას, 16 ივნისს, ატლეტიკოს წინააღმდეგ გამართავს.

პირველ 32-გუნდიან მსოფლიოს საკლუბო ჩემპიონატს 2025 წელს ამერიკის შეერთებული შტატები უმასპინძლებს. ტურნირი 15 ივნისს დაიწყება და 13 ივლისს დასრულდება.

ფიფას გადაწყვეტილებით, 32 გუნდიდან ოკეანეთს - 1, აზიას, აფრიკასა და ჩრდ. ამერიკას 4-4, სამხრეთ ამერიკას - 6, ევროპას კი 12 წარმომადგენელი ეყოლება. 32-ე გუნდი კი მასპინძელი ქვეყნიდან იქნება.

მსოფლიოს საკლუბო ჩემპიონატის ჯგუფები:

• A ჯგუფი - პალმეირასი, პორტუ, ალ აჰლი, ინტერ მაიამი

• B ჯგუფი - პსჟ, ატლეტიკო, ბოტაფოგო, სიეტლი

• C ჯგუფი - ბაიერნი, ოკლენდ სიტი, ბოკა ხუნიორსი, ბენფიკა

• D ჯგუფი - ფლამენგო, ესპერანსი, ჩელსი, ლოს ანჯელესი/ამერიკა

• E ჯგუფი - რივერ პლეიტი, ურავა რედ დაიმონდსი, ინტერი, მონტერეი

• F ჯგუფი - ფლუმინენსე, დორტმუნდი, ულსანი, მამელოდი სანდაუნსი

• G ჯგუფი - მანჩესტერ სიტი, ვიდადი, ალ აინი, იუვენტუსი

• H ჯგუფი - რეალი, ალ ჰილალი, პაჩუკა, ზალცბურგი