მიზანი ევროპაში თამაშია | ჟოაუ ფელიქსს ბარსელონაში დაბრუნება სურს
ესპანური გამოცემა 'Diario AS'-ის ცნობით, პორტუგალიელ შემტევს, ჟოაუ ფელიქსს ევროპულ ფეხბურთში დაბრუნება სურს, მისი მთავარი ოცნება კი კვლავ ბარსელონას მაისურის მორგებაა.
27 წლის ფეხბურთელს საუდის არაბეთის ალ ნასრთან მოქმედი კონტრაქტი ივნისში ეწურება, რის გამოც მისი აგენტი, ჟორჟე მენდეში, კატალონიური კლუბის ხელმძღვანელობას უკვე დაუკავშირდა და ფელიქსის სურვილის შესახებ აცნობა. პორტუგალიელი მზადაა, ტრანსფერის განხორციელების სანაცვლოდ ხელფასი საგრძნობლად შეიმციროს და ბარსაში თავისუფალი აგენტის სტატუსით გადავიდეს.
🚨 𝐁𝐑𝐄𝐀𝐊𝐈𝐍𝐆: 𝐉𝐎𝐀𝐎 𝐅𝐄𝐋𝐈𝐗 𝐖𝐀𝐍𝐓𝐒 𝐁𝐀𝐑𝐂̧𝐀 𝐑𝐄𝐓𝐔𝐑𝐍 👀🔵🔴
— 433 (@433) October 1, 2026
João Félix wants to return to European football next summer, with a move back to Barcelona his 𝗕𝗜𝗚 𝗗𝗥𝗘𝗔𝗠, according to @diarioas 🇵🇹✨
His Al Nassr contract expires in June and his agent… pic.twitter.com/qCwV46hFg8
შეგახსენებთ, რომ ფელიქსს ბარსელონაში თამაშის გამოცდილება უკვე აქვს - იგი კატალონიურ გრანდში იჯარის წესით 2023/24 წლების სეზონში გამოდიოდა. იმ ხანმოკლე პერიოდში პორტუგალიელმა „ბლაუგრანას“ მაისურით ჩატარებულ 44 მატჩში 10 გოლის გატანა და 6 საგოლე გადაცემის შესრულება მოასწრო, თუმცა ფინანსური და ტაქტიკური მიზეზების გამო კლუბმა მისი გამოსყიდვა მაშინ ვერ შეძლო.
მიუხედავად იმისა, რომ ბარსელონასთვის ჟოაუ ფელიქსის დამატება ამ ეტაპზე პრიორიტეტულ მიზანს არ წარმოადგენს, მისი თავისუფალი აგენტის სტატუსით ხელმისაწვდომობამ და დაბალ ხელფასზე თანხმობამ შესაძლოა კატალონიელთა ხელმძღვანელობა სერიოზულად დააფიქროს. ფინანსურად შეზღუდული კლუბისთვის ასეთი კლასის შემტევის უფასოდ მოყვანა საკმაოდ მიმზიდველ სატრანსფერო შესაძლებლობად აღიქმება.
სხვა სტატიები
