ლიონმა მეცს მოუგო | რა შეფასება დაიმსახურეს ქართველებმა?

საფრანგეთის ლიგა 1-ის მეორე ტურში ქართველი ფეხბურთელების დაპირისპირება შედგა. გიორგი მიქაუტაძის ლიონმა, გიორგი წიტაიშვილისა და გიორგი აბუაშვილის მეცს უმასპინძლა და 3:0 დაამარცხა.

სამივე ქართველმა მატჩი ძირითად შემადგენლობაში დაიწყო. მიქაუტაძემ სრულად ითამაშა, ხოლო წიტაიშვილი და აბუაშვილი ერთად, 62-ე წუთზე შეცვალეს.

ლიონი პირველ ტაიმში უკვე 2:0-ს იგებდა. 25-დან 30-ე წუთამდე შუალედში ჯერ ფოფანამ გაიტანა, შემდეგ კი ტოლისომ. მეორე ტაიმში, შეხვედრის ბოლო გოლი, შეცვლაზე შემოსულმა ჩეხმა ნახევარმცველმა, ადამ კარაბეკმა შეაგდო.

ქართველებს გამორჩეული თამაში არ ჰქონიათ - გიორგი მიქაუტაძემ მათ შორის ყველაზე მაღალი 7.5 შეფასება დაიმსახურა. აბუაშვილმა და წიტაიშვილმა კი შესაბამისად, 6.6 და 6.3 ქულა.

ლიონი შემდეგ ტურში მარსელს უმასპინძლებს, მეცი კი პარიზს ესტუმრება.