ლიგა 1-სკენ გზაზე სენტ-ეტიენის მეტოქე გაირკვა

ლიგა 1-ის ბოლო ტურის შეხვედრას განსაკუთრებული მნიშვნელობა ჰქონდა გასავარდნ ზონასთან მყოფი გუნდებისთვის. ლე ავრმა და ოსერმა საკუთარი შეხვედრები მოიგეს, შესაბამისად, მომავალ სეზონშიც ლიგა 1-ში ითამაშებენ, მე-16 ადგილზე კი ნიცა გავიდა, რომელსაც თავის გადასარჩენად სენტ-ეტიენის დამარცხება მოუწევს.

ელიტაში გადამსვლელ ნახევარფინალში სენტ-ეტიენმა როდეზი დაამარცხა (0:0 / პენალტების სერია - 7:6), ფინალში კი ნიცას შეხვდება. ამჯერად, ფინალური დაპირისპირება 2-მატჩიანი იქნება და პირველ თამაშს 26 მაისს, სენტ-ეტიენი უმასპინძლებს, განმეორებითი მატჩი კი 3 დღეში გაიმართება.

ზურიკო დავითაშვილს, რომელიც ლიგა 2-ის საუკეთესო ფეხბურთელი გახდა, ნიცას წინააღმდეგ 1 გოლი აქვს გატანილი - საფრანგეთის თასზე.