ლამპარდი: "ძალიან ვცდილობდი, რომ ჰოლანდი ჩელსიში მყოლოდა"
ლონდონის "ჩელსის" ინგლისელმა თავკაცმა ფრენკ ლამპარდმა განაცხადა, რომ ის ერლინგ ჰოლანდის მის გუნდში გადმოსაბირებლად ძალისხმევას არ იშურებდა.
"ძალიან ვცდილობდი, რომ ჰოლანდი ჩელსიში მყოლოდა. კონკურენცია დიდი იყო, რადგან ის გამორჩეული მოთამაშეა. არ ვიცი, ეს რამდენად მოხდებოდა, მაგრამ მე ის მინდოდა.“ - განაცხადა ფრენკ ლამპარდმა.
Lampard reveals: “I was pushing big to have Erling Haaland at Chelsea. I'm not sure what the appetite was at the club”. 🔵 #CFC
— Fabrizio Romano (@FabrizioRomano) May 19, 2023
“The competition was big because he was an outstanding player. The buyout clause was reasonable. I don't know how close it was… but I wanted him”. pic.twitter.com/rww8pv0mNe
ალბათ, მიმდინარე სეზონში "არისტოკრატებს" ნორვეგიელი თავდამსხმელი ძალიან წაადგებოდათ. ლონდონელები, რბილად რომ ვთქვათ, არც ისე სახარბიელო ფორმაში არიან. ამასთან ერთად კლუბშიც არეული სიტუაციაა. მიუხედავად იმისა, რომ "ჩელსის" ახლა ფრენკ ლამპარდი ხელმძღვანელობს, ის სეზონის ბოლოს გუნდს დატოვებს და კლუბის წარმომადგენლებს ჯერ კიდევ არ გადაუწყვეტიათ ვინ იქნება ახალი მწვრთნელი. 35 ტურის შემდეგ ლონდონელებს 43 ქულა აქვთ და მე-11 პოზიციას უკავებენ. აღსანიშნავია ისიც, რომ მათ ბოლო 5 შეხვედრიდან მხოლოდ 1 მატჩი აქვთ მოგებული.
სხვა სტატიები
