ლამინ იამალი: "საერთოდ არ მაინტერესებს რას აკეთებენ მბაპე და მესი"

ესპანეთის ნაკრებისა და ბარსელონას ტალანტმა - ლამინ იამალმა, საფეხბურთო სამყაროს კიდევ ერთხელ დაანახა, რომ ასაკის მიუხედავად, დიდი თავდაჯერებულობა გააჩნია. 18 წლის ვარსკვლავმა მედიასთან საუბრისას აღნიშნა, რომ ის სხვისი მიღწევებით არ ინტერესდება და მხოლოდ საკუთარ პროგრესზეა ფოკუსირებული.

როდესაც ჟურნალისტებმა მას მბაპეს დუბლსა და მესის ჰეთ-თრიქზე ჰკითხეს, იამალმა საკმაოდ პირდაპირი და ამბიციური პასუხი გასცა.

ეს განცხადება კიდევ ამყარებს იმ ფაქტს, რომ იამალი სხვის ჩრდილში ყოფნას არ აპირებს და საკუთარი ეპოქის შექმნა სურს.

საქმე იმაში მდგომარეობს, რომ ლუის დე ლა ფუენტეს გუნდისთვის მსოფლიო ჩემპიონატი იდეალურად ნამდვილად არ დაწყებულა. ესპანეთის ნაკრებმა სასტარტო შეხვედრაში გამარჯვების მოპოვება ვერ შეძლო, რამაც გუნდს პლეი-ოფისკენ მიმავალ გზაზე დამატებითი წნეხი შეუქმნა. ჯგუფური ეტაპის პირველ ტურში დაკარგული ქულების შემდეგ, შეცდომის დაშვების უფლება პრაქტიკულად აღარ არსებობს.

„ფურია როხა“ მუნდიალზე თავის მეორე მატჩს საუდის არაბეთის ეროვნული ნაკრების წინააღმდეგ გამართავს. მატჩი 21 ივნისს, 21:00 საათზე გაიმართება.