კოუტინიომ ნეიმარს 6:0 მოუგო

ბრაზილიის საფეხბურთო ჩემპიონატის მე-20 ტურში ნეიმარის ცრემლები ისევ ვიხილეთ. ამჯერად ეს 'დამამცირებელი' მარცხით იყო განპირობებული.

სანტოსმა საკუთარ მოედანზე ვასკო და გამას უმასპინძლა და 0:6 დამარცხდა. ეს იყო ვასკო და გამას ყველაზე დიდი გამარჯვება სანტოსთან - ბოლო 98 წლის განმავლობაში. ამავდროულად, ბრაზილიის სერია A-ს ისტორიაში, სანტოსს ასეთი გამანადგურებელი ანგარიშით არასდროს წაუგია (აქამდე მაქსიმუმ 4 ბურთით).

სტუმართა მხრიდან დუბლი ფილიპე კოუტინიომ შეასრულა, ერთ დროს, კოუტინიო ბარსელონაში სწორედ ნეიმარის პირდაპირ შემცვლელად მიიყვანეს. მატჩის შემდეგ, სანტოსმა მთავარი მწვრთნელი, კლებერ შავიერი დაითხოვა.