კაზემირო: "ანჩელოტის ყოველ დღე ვთხოვ, რომ მსოფლიო ჩემპიონატზე ნეიმარი ჩვენთან ერთად იყოს"

ბრაზილიის ეროვნული ნაკრების მთავარმა მწვრთნელმა, კარლო ანჩელოტიმ, ნოემბერში ჩანიშნული ამხანაგური შეხვედრებისთვის 26-კაციანი შემადგენლობა დაასახელა, თუმცა ნეიმარი კვლავ ვერ მოხვდა ბრაზილიის შემადგენლობაში, მსოფლიო ჩემპიონატის დაწყებამდე კი სულ რაღაც 8 თვეზე ნაკლები დრო დარჩა.

ბრაზილიის ნაკრები 15 ნოემბერს, ლონდონში, ემირეიტს-სტედიუმზე, სენეგალს შეხვდება, 18-ში კი ლილის სტადიონზე (საფრანგეთი) ტუნისს დაუპირისპირდება.

მანჩესტერ იუნაიტედისა და ბრაზილიის ნაკრების ერთ-ერთმა ლიდერმა კაზემირომ, მოახლოებულ მსოფლიო ჩემპიონატსა და ნეიმარზე ისაუბრა, რომელიც ნაკრებში უკვე 2 წელზე მეტია არ გვინახავს.

შეგახსენებთ, რომ ნეიმარი ბრაზილიის ნაკრების ყველა დროის საუკეთესო ბომბარდირია. მას ეროვნულ ნაკრებში 128 მატჩი აქვს ჩატარებული, სადაც 79 გოლის გატანა შეძლო და ლეგენდარულ პელეს 2 გოლით უსწრებს.

შეგახსენებთ, რომ 2026 წლის მუნდიალი 11 ივნისს აიღებს სტარტს და 11 ივლისს დასრულდება.