კარლო ანჩელოტიმ ჟოაო პედროს მოუბოდიშა

კარლო ანჩელოტიმ მსოფლიო ჩემპიონატისთვის ბრაზილიის ნაკრების 26 კაციან სიაში ვერ მოხვედრის გამო ჟოაო პედროს მოუბოდიშა. იტალიელმა სპეციალისტმა აღიარა, რომ რამდენიმე ფეხბურთელი ნამდვილად იმსახურებდა გუნდში ადგილს, თუმცა საბოლოოდ გამოცდილ მოთამაშეებს მიანიჭა უპირატესობა, მათ შორის სელესაოში დაბრუნებულ ნეიმარს.

მიუხედავად იმისა, რომ პედრომ პრემიერ ლიგაში შთამბეჭდავი სეზონი ჩაატარა, ანჩელოტიმ ბრაზილიის ნაკრებისთვის უფრო გამოცდილი ფეხბურთელები აირჩია. ყველაზე გამორჩეული გადაწყვეტილება ნეიმარის დაბრუნება იყო, რომელსაც ბოლო სამი წლის განმავლობაში ფიზიკური პრობლემები ხშირად აწუხებდა. ანჩელოტიმ აღიარა, რომ საბოლოო განაცხადით ბევრი მოთამაშე იმედგაცრუებული დარჩებოდა. 

საერთაშორისო განაცხადში ვერ მოხვედრის შემდეგ რამდენიმე საათში ჩელსიმ ჟოაო პედრო სეზონის საუკეთესო მოთამაშედ დაასახელა.   ბრაიტონის ყოფილმა მოთამაშემ გულშემატკივართა გამოკითხვაში ხმების 60%-ზე მეტი მიიღო და ენცო ფერნანდესსა და კაისედოს აჯობა.

24 წლის ფეხბურთელი ჩელსისთვის მნიშვნელოვანი ფიგურა გახდა — მხოლოდ პრემიერ ლიგაში 15 გოლი და 5 საგოლე გადაცემა დააგროვა. ამით ის კლუბის ისტორიაში მხოლოდ მეექვსე ფეხბურთელი გახდა, რომელმაც სადებიუტო სეზონში პრემიერ ლიგაში 20+ საგოლე მოქმედებას მიაღწია. მანამდე ეს მოახერხეს ისეთმა ლეგენდებმა, როგორებიც ედენ აზარი და დიეგო კოშრა არიან. ყველა ტურნირზე ერთად ჟოაო პედროს მაჩვენებელი 25 საგოლე მოქმედებამდე ავიდა, ბრაზილიელი შემტევებიდან მასზე უკეთესი სტატისტიკა მხოლოდ ვინისიუსსა და რაფინიას აქვთ.