იამალი ჩეხეთთან მატჩს გამოტოვებს და ინგლისთან შეხვედრაში დაბრუნებას გეგმავს
ესპანეთის ეროვნულ ნაკრებს ერთ-ერთი მთავარი ლიდერი - ლამინ იამალი, 12 ნოემბერს პრაღაში ჩეხეთის წინააღმდეგ გასამართ შეხვედრაში გამოაკლდება.
ბარსელონას ახალგაზრდა ვარსკვლავს, ლამინ იამალს, მარჯვენა მუხლში დისკომფორტი აწუხებს, რის გამოც სამედიცინო შტაბმა მისი რისკის ქვეშ დაყენება არ ისურვა. ფეხბურთელი დროებით ბარსელონაში დარჩება და სარეაბილიტაციო პროცედურებს გაივლის.
🚨 Lamine YAMAL 🇪🇸 retarde son arrivée en sélection à cause d’une GÊNE AU GENOU DROIT. 🤕
— Actu Foot (@ActuFoot_) November 9, 2026
Il reste à Barcelone et rejoindra la Roja pour le match face à l’Angleterre au Metropolitano.
🗞️ @martinezferran pic.twitter.com/IvaGPhZLOP
თუმცა, „ფურია როხას“ გულშემატკივრებისთვის კარგი ამბავიც არის - მოსალოდნელია, რომ იამალი გუნდს უახლოეს დღეებში შეურთდება და 15 ნოემბერს, მადრიდში, ინგლისის ეროვნული ნაკრების წინააღმდეგ გასამართ პრინციპულ დაპირისპირებაში თამაშს დიდი ალბათობით შეძლებს.
იამალის გარდა, ესპანელებს პრაღურ მატჩში კიდევ ერთი მნიშვნელოვანი მოთამაშე გამოაკლდებათ - მიკელ ოიარსაბალი გრიპის ვირუსის გამო განაცხადში ვერ მოხვდა და ჩეხეთთან შეხვედრას ისიც გამოტოვებს.
სხვა სტატიები
