ჰარი კეინმა ბაიერნთან კონტრაქტი 2029 წლამდე გაახანგრძლივა
ჰარი კეინმა ბაიერნთან ახალი კონტრაქტი გააფორმა და მიუნხენურ კლუბში 2029 წლამდე დარჩება. როგორც ESPN-ი იტყობინებოდა, ინგლისელი ფეხბურთელი 'რეკორდმაისტერთან' ხელშეკრულების გახანგრძლივებასთან ახლოს იყო. დღეს კი, ეს ოფიციალურად დადასტურდა. ახალი კონტრაქტის პირობებში, კეინის წლიური ანაზღაურება 25 მილიონი ევრო იქნება. ამ პირობებში, 33 წლის ფორვარდი, ევროპაში ყველაზე მაღალანაზღაურებადი ინგლისელი ფეხბურთელი ხდება.
კეინი ბაიერნს სამი წლის წინ, ტოტენჰემიდან შეუერთდა. ამ ტრანსფერით, წლევანდელი ოქროს ბურთის მოქმედი გამარჯვებულის უტიტულო კარიერაც დასრულდა. კეინმა 2025 და 2026 წლებში ბუნდესლიგა მოიგო. გასულ სეზონში კი, გერმანიის თასსაც დაეუფლა.
გარდა ამისა, კეინს ბუნდესლიგაში 100 გოლის გასატანად, ისტორიაში ყველაზე ნაკლები, 98 მატჩის ჩატარება დასჭირდა. კონტრაქტის გახანგრძლივებასთან დაკავშირებით, 33 წლის ფეხბურთელმა თვითონაც გააკეთა კომენტარი.
ბაიერნში თავს ისე ვგრძნობ, როგორც საკუთარ სახლში. მიყვარს ეს კლუბი, გულშემატკივრებიც და თავად ქალაქი მიუნხენიც. შესანიშნავი გუნდი გვყავს და ვინსენტ კომპანის სახით, გამორჩეული მწვრთნელი. ამ კლუბის ნაწილად ყოფნა ჩემთვის დიდი პატივია. აქ ჩემი ოჯახიც ძალიან ბედნიერია. გუნდში დარჩენა ძალიან მინდოდა. მომავალს იმედიანად ვუყურებ და ბაიერნთან ერთად, ბევრი ტიტულის მოგება მსურს. - ჰარი კეინი
ორი დღის წინ, ბაიერნმა ატლეტიკო 2:0 დაამარცხა. ამ ეტაპზე, ბაიერნი იმ ოთხ კლუბს შორის შედის, რომლებსაც ჩემპიონთა ლიგაზე წაგება არ აქვთ. დანარჩენი სამი, პარი სენ-ჟერმენი, მადრიდის რეალი და ლონდონის არსენალი არიან. ვინსენტ კომპანის გუნდი ჩემპიონთა ლიგაზე ოთხი ტურის შემდეგ, 8 ქულით, მე-13 ადგილს იკავებს.
🚨🗣️ 𝗡𝗘𝗪: Harry Kane after extending his contract with Bayern Munich until 2029:
— The Touchline | 𝐓 (@TouchlineX) November 5, 2026
“I really feel at home at Bayern. I LOVE THIS CLUB, ITS FANS AND THE CITY OF MUNICH.
“We have a fantastic team and, in Vincent Kompany, a fantastic coach.
“I’m very proud to be part of this… pic.twitter.com/I2wiSDo5bq
სხვა სტატიები
