გოჩოლეიშვილი ჩემპიონთა ლიგის კვირის საუკეთესო გუნდში მოხვდა
საქართველოს ეროვნული ნაკრებისა და დონეცკის "შახტარის" მარჯვენა მცველი - გიორგი გოჩოლეიშვილი, ჩემპიონთა ლიგის კვირის საუკეთესო გუნდში მოხვდა.
რამდენიმე წუთის წინ, UEFA-მ ჩემპიონთა ლიგის კვირის საუკეთესო XI-ეული გამოაქვეყნა, სადაც დაცვის ხაზში, პეპესთან და ხიმენესთან ერთად, გიორგი გოჩოლეიშვილიც არის.
ეს მიღწევა დონეცკურმა გრანდმა ქართველ ფეხბურთელს სოციალურ ქსელში მიულოცა.
👏 Keep it up, Giorgi! 🧡 Gocholeishvili is in the @ChampionsLeague Team of the Week! ⭐️
— FC SHAKHTAR ENGLISH (@FCShakhtar_eng) November 9, 2023
🤩 The defender provided an assist for Danylo Sikan in the winning match vs Barcelona (1-0) ⚽️#Shakhtar #UCL #UCLTOTW #ShakhtarBarcelona pic.twitter.com/Ca5IMut7kB
"ასე გააგრძელე გიორგი. გიორგი გოჩოლეიშვილი ჩემპიონთა ლიგის კვირის სიმბოლურ გუნდში მოხვდა.
მან "ბარსელონასთან" გამარჯვებაში უდიდესი წვლილი შეიტანა და ერთადერთი გოლის საგოლე გადაცემა შეასრულა." - ვკითხულობთ "შახტარის" განცხადებაში
შეგახსენებთ, რომ ჩემპიონთა ლიგის მეოთხე ტურში, H ჯგუფში "შახტარმა" ჰამბურგში "ბარსელონა" მინიმალური ანგარიშით დაამარცხა. ერთადერთი გოლის საგოლე გადაცემა კი ქართველმა მცველმა შეასრულა. გარდა საგოლე გადაცემისა, ქართველმა ფეხბურთელმა განსაკუთრებული მატჩი ჩაატარა.
"ბარსელონასთან" გამარჯვებით "შახტარმა" 6 ქულა მოაგროვა და ჯგუფში მე-3 ადგილს იკავებს. დონეცკელებს ჩემპიონთა ლიგაზე მომავალი მატჩი "ანტვერპენის" წინააღმდეგ ელით, რომელიც 28 ნოემბერს არის ჩანიშნული.
სხვა სტატიები
