დიასების ბენეფისი - ემოციები, რომლებიც სოციალურ ქსელებში ვირუსულად გავრცელდა
მსოფლიო ჩემპიონატის საკვალიფიკაციო ეტაპის, სამხრეთ ამერიკის ზონის შეხვედრაში, კოლუმბიისა და ბრაზილიის დაპირისპირება შედგა. ბარანკილიაში გამართული მატჩი, "სელესაოს" უპირატესობით დაიწყო და მე-4 წუთზე, გაბრიელ მარტინელიმ სტუმრების დაწინაურება შეძლო.
კოლუმბიას მხსნელად ლუის დიასი მოევლინა, რომელმაც 75-ე და 79-ე წუთებზე, ბრაზილიას 2 გოლი გაუტანა და ტაბლოზე საბოლოოდ ანგარიში (2:1) დააფიქსირა.
კოლუმბიისა და ბრაზილიის საფეხბურთო დაპირისპირებას ლუის დიასის მამაც ესწრებოდა, რომელიც დაახლოებით 2-კვირიანი ტყვეობიდან ახლახან გაათავისუფლეს. დიასის მამამ თავისი შვილის მიერ გატანილი გოლების შემდეგ, თავის გაკონტროლება ვერ შეძლო, რის შემდეგაც ემოციური აღნიშვნის კადრები სოციალურ ქსელებში ვირუსულად გავრცელდა.
💛🇨🇴 Luis Díaz’s father reaction after he scored vs Brazil is just wonderful to see. pic.twitter.com/Xl83NUN2kl
— Fabrizio Romano (@FabrizioRomano) November 17, 2023
შეხვედრის დასრულების შემდეგ, ლუის დიასმა ასევე ემოციური კომენტარი გააკეთა და აღნიშნა, რომ მთელი მატჩის განმავლობაში მამაზე ფიქრობდა.
დიახ, მოედანზე ყოფნისას მუდამ მამაზე ვფიქრობდი. რთულ მომენტებში ის ყოველთვის სწორ მენტალიტეტს ავლენს. ეს გამარჯვება, ეს გოლები მას ეძღვნება. - ლუის დიასი.
💛🇨🇴 Luis Díaz: “Yes, I was thinking of my dad all the time on the pitch… he always had the right mentality in difficult moments”.
— Fabrizio Romano (@FabrizioRomano) November 17, 2023
“This win, these goals go for him”. pic.twitter.com/PzdhjW3doZ