D, E და F ჯგუფები დასრულდა - ცნობილია პლეი-ოფის ოთხი წყვილი

დღეს მსოფლიო ჩემპიონატის D, E და F ჯგუფებში დასკვნითი შეხვედრები გაიმართა და პლეი-ოფის ოთხი წყვილი გაირკვა.

D ჯგუფში თურქეთის ნაკრებმა აშშ 3:2 დაამარცხა. გამარჯვების გოლი თურქებმა ბოლო წუთებზე გაიტანეს. ამერიკელები შეხვედრას მოტივაციის გარეშე შეხვდნენ, რადგან ჯგუფში პირველი ადგილი უკვე განაღდებული ჰქონდათ. თავის მხრივ, არდა გიულერმა თურქეთის ნაკრების მაისურით მუნდიალებზე 24-წლიანი პაუზის შემდეგ გაიტანა.

ჯგუფის მეორე მატჩში ავსტრალიისა და პარაგვაის შეხვედრა უგოლოდ, 0:0 დასრულდა. ორივე გუნდმა ოთხ-ოთხი ქულა დააგროვა, თუმცა ბურთების უკეთესი სხვაობის წყალობით მეორე ადგილი ავსტრალიელებმა დაიკავეს.

E ჯგუფში, აშშ-ის მსგავსად, პირველი ადგილი წინასწარ ჰქონდა განაღდებული გერმანიას, თუმცა ოთხგზის მსოფლიო ჩემპიონი სენსაციურად ეკვადორთან 1:2 დამარცხდა. მეორე ადგილი ექვსი ქულით კოტ-დ'ივუარმა დაიკავა.

F ჯგუფში ნიდერლანდებმა ტუნისი 3:1 დაამარცხა და ჯგუფური ეტაპი პირველ ადგილზე დაასრულა. იაპონიასა და შვედეთს შორის შეხვედრა კი ფრედ, 1:1 დასრულდა.

დღევანდელი მატჩების შემდეგ პლეი-ოფის შემდეგი ოთხი წყვილი გახდა ცნობილი:

• სამხრეთ აფრიკა – კანადა

• ნიდერლანდები – მაროკო

• აშშ – ბოსნია და ჰერცეგოვინა

• ბრაზილია – იაპონია

ეს უკანასკნელი დაპირისპირება განსაკუთრებით დიდ ინტერესს იწვევს, რადგან იაპონია ჯგუფურ ეტაპზე ერთ-ერთი ყველაზე შთამბეჭდავი ნაკრები იყო, ხოლო ბრაზილია ტიტულის ერთ-ერთი მთავარი პრეტენდენტია.