ჩემპიონთა ლიგა 25-წლიან უცვლელ ტრადიციას დაარღვევს?!

ჩემპიონთა ლიგამ, შესაძლოა, რადიკალური ცვლილებები განახორციელოს. 25-წლიანი პარტნიორობის შემდეგ, Adidas-ის მიერ წარმოებული ჩემპიონთა ლიგის ბურთები, შესაძლოა, წარსულს ჩაბარდეს.

გერმანული სპორტული გიგანტი უეფას უმაღლესი დონის საკლუბო ტურნირის ოფიციალური სპონსორია და 2001 წლიდან ბურთებზე მისი ლოგოა გამოსახული. Adidas-მა შესაძლოა მალე დაკარგოს მარკეტინგული პოტენციალი, რადგან ევროპული ფეხბურთის მმართველი ორგანო ახალ პოტენციურ პრეტენდენტებს ეძებს.

The Athletic-ის ცნობით, უეფამ შესაძლოა შემოიღოს საბაზრო შესაძლებლობა საფეხბურთო ბურთების სპონსორობისთვის, რათა მაქსიმალურად გაზარდოს შემოსავალი.

როგორც ამბობენ, უფლებების მიმართ ინტერესი რამდენიმე მხარემ გამოთქვა. Adidas-ს სურს გააგრძელოს ამჟამინდელი სპონსორობა, თუმცა კონკურენტები Nike და Puma-ც დაინტერესებულები არიან.

უეფასა და ევროპის კლუბების ასოციაციები, ახალი ბურთების ტენდერს 2027/28 წლების სეზონის დასაწყისიდან გამოაცხადებენ.