ეკატერინე გორგოძემ ამერიკის ღია პირველობის საკვალიფიკაციო გამარჯვებით დაიწყო

ქართველი ჩოგბურთელი, ეკატერინე გორგოძე, ამერიკის ღია პირველობის ძირითად ბადეში მოსახვედრად იბრძვის. საკვალიფიკაციო ეტაპის პირველ მატჩში გორგოძის მეტოქე ბრიტანელი, ჰიტერ უოტსონი იყო (რეიტინგის 161-ე ნომერი). ეკატერინემ მეტოქე 3 სეტში (3:6 | 6:3 | 6:4) დაამარცხა და მეორე რაუნდის საგზური მოიპოვა.

მატჩი 2 საათსა და 27 წუთს გაგრძელდა - გორგოძემ 4 ეისი მოაწოდა და მხოლოდ ერთხელ დაუშვა ორმაგი შეცდომა. ქართველი WTA-ის 226-ე ჩოგანია, მეორე რაუნდში მისი მეტოქე ასევე ბრიტანელი, ფრანჩესკა ჯონსი იქნება (86-ე ნომერი).