"საქართველოსთვის ბოლომდე ვიბრძოლებთ" - უმცროსი ბორჯღალოსნების კაპიტანი

20-წლამდელთა რაგბის მსოფლიო თასის დაწყებამდე 2 დღეა დარჩენილი. უმნიშვნელოვანესი ტურნირი, რომელშიც უმცროსი ბორჯღალოსნები სტაბილურად ასპარეზობენ, 29 ივნისს დაიწყება და იტალიის 4 სარაგბო ქალაქში გაიმართება.

საქართველოს 20-წლამდელთა მორაგბეთა ნაკრები ქვეჯგუფში ირლანდიის, ახალი ზელანდიისა და იტალიის წინააღმდეგ ითამაშებს - უმცროსი ბორჯღალოსნები პირველ მატჩს, 29 ივნისს, 20:00 საათზე, ირლანდიელი თანატოლების წინააღმდეგ გამართავენ.

პრინციპული მატჩის წინ უმცროსი ბორჯღალოსნების კაპიტნის, ანდრო დვალის პრესკონფერენცია გაიმართა, სადაც მან აღნიშნა, რომ საქართველოსა და ქართველი გულშემატკივრების გასახარებლად ბოლომდე იბრძოლებენ.

შეგახსენებთ, რომ ჯგუფში უმცროსი ბორჯღალოსნები ირლანდიელ, ახალ ზელანდიელ და იტალიელ თანატოლებს დაუპირისპირდებიან.