ბექა გორგაძე პოს დეკემბრის თვის საუკეთესო მოთამაშედ დასახელდა

საქართველოს მორაგბეთა ეროვნული ნაკრებისა და ფრანგული "პოს" შერკინების შემკვრელი - ბექა გორგაძე, "პოს" დეკემბრის თვის საუკეთესო მოთამაშედ დასახელდა.

"პოს" ქართველმა კაპიტანმა, ტრავმით გამოწვეული იძულებითი პაუზის შემდეგ, მოედანზე დაბრუნება დეკემბერში შეძლო, გულშემატკივარს თავი მაღალი დონის მატჩებით დაამახსოვრა და თავის გუნდს ულიდერა. გორგაძის ბრწყინვალე მატჩებს უყურადღებოდ არ ჩაუვლია და ის "პოს" დეკემბრის თვის საუკეთესოდ დაასახელეს.