გიორგი მიქაუტაძემ აიაქსთან 5-წლიანი კონტრაქტი გააფორმა

როგორც მოგეხსენებათ, საქართველოს ნაკრების ფორვარდი, გიორგი მიქაუტაძე კარიერას ამსტერდამის "აიაქსში" გააგრძელებს.

ამსტერდამულმა კლუბმა ახალი შენაძენი დღეს ოფიციალურად წარადგინა, გიორგის კონტრაქტი 5-წლიანია და იგი "აიაქსის" საკუთრება 2028 წლის 30 ივნისამდე იქნება.

კონტრაქტის ღირებულება 16 მილიონ ევროს შეადგენს, რომელიც ბონუსების სახით, შესაძლოა 19 მილიონამდე გაიზარდოს. გიორგი 19-ნომრიან მაისურს მოირგებს.

მიმდინარე სეზონის დასაწყისი მიქაუტაძემ "მეცში" გაატარა, ჩატარებულ 3 შეხვედრაში 2 გოლი და ერთი ასისტი მიითვალა.