გიორგი ჭელიძემ წყალტუბოს სამგურალი დატოვა

გიორგი ჭელიძემ წყალტუბოს "სამგურალის" მთავარი მწვრთნელის თანამდებობა დატოვა.

"კლუბსა და მწვრთნელს შორის ხელშეკრულება ურთიერთშეთანხმების საფუძველზე შეწყდა. მადლობას ვუხდით გიორგის გაწეული სამსახურისთვის და წარმატებებს ვუსურვებთ მომავალ კარიერაში", - წერს "სამგურალის" ოფიციალური გვერდი.

"სამგურალისთვის" ეროვნული ლიგის 2023 წლის სეზონი გარდამავალი გამოდგა: გათამაშების პირველ ნახევარში იმერული გუნდი დამაჯერებელ შედეგებს აჩვენებდა, 9-მატჩიანი წაუგებელი, რვაშეხვედრიანი მიჯრით გამარჯვებათა სერია ჰქონდა და გათამაშებას ლიდერობდა, ზაფხულის პაუზის დასრულებისა და ჩემპიონატის განახლების შემდეგ კი, გუნდმა 8 შესაძლებლობიდან მხოლოდ ერთხელ მოიგო და მეხუთე ადგილზე ჩამოინაცვლა.