ევროპის ძიუდოს კავშირი: "GAUMARJOS! - ქართველი ახალგაზრდების ისტორიული გამარჯვება"

ევროპის ძიუდოს კავშირი, ევროპის ჩემპიონატზე საქართველოს ახალგაზრდული ნაკრების ისტორიულ ოქროს მედალს ეხმაურება. 

ნიდერლანდების ქალაქ ჰააგაში ახალგაზრდულ ევროპის ჩემპიონატზე, შერეულ გუნდურ სახეობაში ევროპის ჩემპიონი საქართველოს ნაკრები გახდა, რომელთაც ფინალში ნიდერლანდების ნაკრები დაამარცხეს და ისტორიაში პირველად, შერეულ გუნდურ სახეობაში ოქროს მედალი მოიპოვეს. 

პირველი დაპირისპირება 2-გზის ევროპის ჩემპიონმა - შალვა გურეშიძემ მოიგო და ანგარიში 1:0 გახადა. ამის შემდეგ კი მეორე ბრძოლაში ნიდერლანდელმა გოგომ, ნინო ლოლაძე დაამარცხა და ანგარიში გაათანაბრა, თუმცა მოქმედმა ევროპის ჩემპიონმა - გიორგი ტერაშვილი საქართველოს ნაკრები კვლავ დააწინაურა - 2:1. 

ქართველებს მესამე გამარჯვება ეთერ ასკილაშვილმა მოუტანა, რომელმაც უძლიერესი ნიდერლანდელი 2-ჯერ დაავაზარა და საბოლოოდ, იპონით გაიმარჯვა. ამ გოგოს დიდი მომავალი აქვს, მან ეროვნულ ნაკრებთან ერთადაც მოიპოვა ევროპის ჩემპიონობა, ახლა კი ახალგაზრდული ნაკრების ისტორიულ ოქროს მედალში დიდი წვლილი შეიტანა. 

ანგარიში 3:1 იყო და მხოლოდ ერთი გამარჯვება აშორებდა საქართველოს ნაკრებს ისტორიულ ოქროს მედლამდე და ასეც მოხდა. ისტორიული ოქროს მედლის მთავარი გამარჯვება თამაზ კობერიძემ მოიპოვა, რომელმაც 90 კგ წონითი კატეგორიის მოქმედი ევროპის ჩემპიონი დაამარცხა. 

მან ეს გამარჯვება "ხაბარელი" ილეთით შეძლო, რაც ულამაზესი სანახავი იყო. 

ისტორიული ოქროს მედლის მოპოვების შემდეგ, კომენტარი გააკეთა საქართველოს ძიუდოს ფედერაციის პრეზიდენტმა - გიორგი ათაბეგაშვილმა.