დიეგო ალვესი: "მამარდაშვილი გასაოცრად გაიზარდა, მსოფლიოს ერთ-ერთი საუკეთესო მეკარეა"

ბრაზილიის ნაკრების, "ატლეტიკო მინეიროს, "ვალენსიას", "ალმერიას", "ფლამენგოს" და ვიგოს "სელტას" ვეტერანი მეკარე, დიეგო ალვესი საქართველოს ნაკრების კარის დარაჯის, გიორგი მამარდაშვილის შესახებ საუბრობს.

საქართველოს ნაკრების მეკარე ლა ლიგის 35-ე ტურის სიმბოლურ გუნდში მოხვდა, კარიერის გამორჩეულ პერიოდს ატარებს და "ვალენსიასთან" ერთად ევროპული ტურნირის საგზურის მოპოვებისთვის იბრძვის.

"ვალენსია" ლა ლიგაში 35 ტურის შემდეგ 45 ქულით სატურნირო ცხრილში მე-10 პოზიციას იკავებს და ევროზონასთან 2-ქულიანი ჩამორჩენა აქვს, ესპანეთის ჩემპიონატში კიდევ 3 ტურის შეხვედრებია გასამართი.