ანზორ მექვაბიშვილი რუმინეთის ჩემპიონატის სიმბოლურ გუნდში მოხვდა

საქართველოს ნაკრების ცენტრალური ნახევარმცველი, ანზორ მექვაბიშვილი რუმინეთის ჩემპიონატის ტურის სიმბოლურ გუნდში მოხვდა.

საჩემპიონო ჯგუფის მესამე სათამაშო კვირაში უნივერსიტატ კრაიოვამ უშუალო კონკურენტ კლუჟს (2:0) აჯობა. შეხვედრაში ულამაზესი გოლით ანგარიში ანზორ მექვაბიშვილმა გახსნა.

რუმინეთის ჩემპიონატის ოფიციალური გვერდის ვერსიით, 24 წლის ქართველი ფეხბურთელი საუკეთესო თერთმეტეულში მოხვდა.

ანზორ მექვაბიშვილს ამ სეზონში ყველა ტურნირზე 43 მატჩში 3 გოლი აქვს გატანილი და 8 საგოლე პასი გაკეთებული. მისი გუნდი ჩემპიონატის თანალიდერია და თასის ნახევარფინალშია გასული.​