"ვიცი, რომ ამ ბიჭის დამარცხება შემიძლია" - მერაბ დვალიშვილი პიოტრ იანზე

მერაბ დვალიშვილი ამბობს, რომ პიოტრ იანთან კვლავ თავისი თავი იქნება. ბოლო ჩხუბი ზუსტად იმიტომ დათმო, რომ საკუთარ სტილს უღალატა და იანს თამაშში აჰყვა.

შეგახსენებთ, რომ მერაბ დვალიშვილსა და პიოტრ იანს შორის ანგარიში 1:1 არის. მათი გზები პირველად 2023 წელს გადაიკვეთა. ჩემპიონობისკენ მიმავალმა დვალიშვილმა იანის ბარიერი მარტივად გაიარა და 5-რაუნდიან ჩხუბში მეტოქე პირწმინდად დაჯაბნა. რაც შეეხება მეორე ჩხუბს, იქ მერაბი უკვე ჩემპიონის რანგში იყო. სამწუხაროდ იანმა შეძლო რევანშის აღება და ახლა სწორედ ის არის სუპერმსუბუქი წონის ჩემპიონი. მათი მესამე დაპირისპირება აბუ დაბიში 24 ოქტომბერს გაიმართება.