"უბრალოდ შანსი მომეცი" - ასპინალი ჯონ ჯონსს

კვირას UFC-ის მორიგი საღამო გაიმართა, რომელიც ორი საჩემპიონო ბრძოლით დაგვირგვინდა. ჟირი პროჰასკას დამარცხებით ალექს პერეირამ საჩემპიონო ქამარი კიდევ ერთხელ შემოიხვია წელზე. ინგლისელმა ტომ ასპინალმა კი, სერგეი პავლოვიჩი დაამარცხა და მძიმე წონის დროებით ქამარსაც დაეუფლა. აღსანიშნავია, რომ ეს უკანასკნელი პავლოვიჩთან ფავორიტი სულაც არ იყო, მაგრამ შეძლო და რუსი მეტოქე ნოკაუტით დაამარცხა.

ახალი ჩემპიონის გამარჯვებას გამოეხმაურა ჯონ ჯონსიც, რომელმაც ტომს ბრძოლა მოუწონა.

ამის შესახებ ასპინალს ჟურნალისტმა პრესკონფერენციის დროს აცნობა. ინგლისელმა ლეგენდარულ მებრძოლს მილოცვისთვის მადლობა გადაუხადა და ერთი თხოვნაც გაუმჟღავნა.

აღსანიშნავია, რომ UFC 295-ზე მთავარი დაპირისპირება სტიპე მიოჩიჩისა და ჯონ ჯონსის ორთაბრძოლა უნდა ყოფილიყო, თუმცა ამ უკანასკნელის ტრავმის გამო, ბრძოლა ჩაიშალა. დიდი იყო იმის ალბათობა, რომ ამ წყვილში გამარჯვებული სწორედ ლეგენდარულ ჯონ ჯონსს შეხვდებოდა, გამარჯვებული კი ტომ ასპინალია.