შონ ო'მალიმ მერაბისკენ ნაბიჯი გადადგა, დვალიშვილმა უპასუხა

UFC-ის სუპერმსუბუქი წონის ჩემპიონმა, შონ ო'მალიმ, მერაბთან ბრძოლის სურვილი გამოთქვა, მან პოსტი X-ზე გამოაქვეყნა და თან აღნიშნა, რომ ამ ბრძოლისთვის, შესანიშნავი დრო, 2025 წელია.

ძალიან მალე, მერაბ დვალიშვილმა, სოციალურ ქსელში, პასუხი დააბრუნა. ჩემპიონმა სიტყვა "მერაბი" არასწორად დაწერა, ქართველმა მებრძოლმა, ო'მალის, წარსული გამოცდილება შეახსენა.

შონ ო'მალიმ უკანასკნელი ბრძოლა მარლონ (ჩიტო) ვერასთან ჩაატარა, სრული უპირატესობით გაიმარჯვა და საჩემპიონო ქამარი დაიტოვა, მერაბმა კი საკმაოდ მარტივად დაამარცხა ჰენრი სეხუდო და სწორედ ამ ბრძოლის შემდეგ მიიღო პირობა, რომ მომავალი ბრძოლა სატიტულო იქნებოდა.

ო'მალიმ, ჩიტოს დამარცხების შემდეგ, ილია თოფურია გამოიწვია და ამ დრომდე, მერაბის წინააღმდეგ ბრძოლაზე საუბრისგან თავს იკავებდა.