"შემდეგი აუცილებლად მერაბი იქნება" - შონ ო'მალი

UFC 299-ზე შონ ო'მალიმ სტრაიკინგის მასტერკლასი შემოგვთავაზა. სუპერმსუბუქი წონის ჩემპიონმა "ჩიტო" ვერა 5 რაუნდის განმავლობაში სცემა და ჩემპიონის ქამარიც ღირსეულად დაიცვა. არც ისე ღირსეული იყო მისი ბრძოლის შემდგომი განცხადება, სადაც დვალიშვილის ნაცვლად თოფურია გამოიწვია.

სეხუდოსთან მოგებული შეხვედრის შემდეგ, დანა უაითმა დაამტკიცა, რომ ქართველი "მანქანა" საჩემპიონო ბრძოლას აუცილებლად მიიღებდა. სამწუხაროა, რომ ჩემპიონი ო'მალი დაზუსტებულ პასუხს არ იძლევა. სწორედ ამ თემასთან დაკავშირებით, "შუგამ" მაიკლ ბისპინგთან ინტერვიუში ისაუბრა.

ჯერჯერობით არ ვიცით შედგება თუ არა მერაბისა და ო'მალის შორის დაპირისპირება. თუმცა, ბუკმეიკერებმა კოეფიციენტები უკვე გამოთვალეს. თუ "მანქანისა" და "შუგას" ბრძოლა შედგება, ქართველი ფავორიტი იქნება.