სანშირო მურაო: "ბექაურთან მოგება ჩემთვის ბევრს ნიშნავდა - არ მინდა ამაზე გაჩერება"

2-გზის მსოფლიო ჩემპიონმა, იაპონელმა - სანშირო მურაომ, რომელიც 90 კგ-ში ასპარეზობს, მსოფლიო ჩემპიონატის დასრულების შემდეგ პირველი კომენტარი გააკეთა.

მან ქომაგებს გულშემატკივრობისთვის მადლობა გადაუხადა და აღნიშნა, რომ ბაქოდან სამშობლოში 2 ოქროს მედლით დაბრუნება, მისთვის დიდი ბედნიერებაა.

გარდა ამისა, მან ლაშა ბექაურთან პირველ გამარჯვებაზეც ისაუბრა და აღნიშნა, რომ მას არ სურს მხოლოდ ამ გამარჯვებაზე გაჩერება...

შეგახსენებთ, რომ ბაქოს მსოფლიო ჩემპიონატამდე ლაშა ბექაურს სანშირო მურაოსთან დადებითი ბალანსი 6:0 (1-ხელ გუნდურში) ჰქონდა, მსოფლიო ჩემპიონატზე კი იაპონელმა უძლიერესმა ძიუდოისტმა 2-გზის ოლიმპიური ჩემპიონის წინააღმდეგ პირველი გამარჯვება მოიპოვა.