პერეირა ამბობს, რომ დოლიძესთან ბრძოლა არ სურს
როგორც მოგეხსენებათ, რომან დოლიძის მეტოქე ენტონი ერნანდესი უნდა ყოფილიყო. თუმცა, ტრავმის გამო, Fluffy ბრძოლას ჩაეხსნა და UFC-მ მის შემცვლელად მიშელ პერეირა გამოძებნა. ამის შესახებ ინფორმაცია სხვადასხვა სპორტულმა გამოცემებმაც გაავრცელეს.
მიუხედავად ამისა, პერეირა აცხადებს, რომ დოლიძესთან ბრძოლა არ სურს. მიშელი და რომანი ერთ დარბაზში ვარჯიშობენ, პერეირაც სწორედ ამას ასახელებს მთავარ მიზეზად.
მე ბრძოლას არ დავთანხმებულვარ. მე ამ ადამიანთან ერთად, P.I.-ში და Xtreme Couture-ში ყოველდღე ვვარჯიშობ. ის თანახმაა, მე არა. გამიკვირდა, რომ ბრძოლას დათანხმდა, ეს მისი პრობლემაა. მე დოლიძეს როგორც სპარინგ პარტნიორად, მეგობრად აღვიქვამ.
ჩხუბისთვის მოსამზადებლად ახალი დარბაზის ძებნა მომიწევს. Xtreme-ში ახალი ვარ. ბრძოლა ერთ თვეშია და არც კი ვიცი სად ვივარჯიშო. - განაცხადა პერეირამ
თავის მხრივ შექმნილ სიტუაციას რომან დოლიძეც გამოეხმაურა.
დიახ, ჩვენ ერთად ვვარჯიშობთ.
მითხრეს, რომ ის ბრძოლას 8 ივნისს დათანხმდა და არა 1 ივნისს, როცა თავიდან უნდა მებრძოლა. თარიღის შეცვლა UFC-მ მთხოვა. გუშინ კონტრაქტი გამომიგზავნეს.
თუ თარიღის შეცვლას ისევ მთხოვენ და ის თანახმა იქნება, კონტრაქტს აუცილებლად ხელს მოვაწერ. - წერს რომან დოლიძე
Yes we train together.
— Roman Dolidze (@romandolidzeufc) May 10, 2024
I was told that he agreed to fight in June 8 (not June 1 when I was originally supposed to fight ) and ufc ask me to change date. Yesterday they send me contract.
If they ask me to change date (which he asked for) and he agree of course I signed contract.
შეგახსენებთ, რომ რომანისა და მიშელის ბრძოლა 9 ივნისს ლუისვილში ჩაინიშნა.
სხვა სტატიები
